CAMEROUN : 14 Nôvambra 2015 Dingana vaovao iray eo amin'ny fiainan'ny Reziô...

Masera Maria Luisa, Lehibe Reziônaly teo aloha moa dia voafidy ho Mpanolon-tsaina Jeneraly, tamin’ny Jolay 2015.

Tamin’ny 6 hariva ny rehetra no nihazo ny Lasapely hanomboka ny fankalazana. Natomboka tamin’ny vavaka hariva nentanin’ny Kôminôten’i Nkongsamba, izay sady mpampiantrano ihany koa.

Tena tsara omana ny hira… ary ohatra ny nampiakatra anay ho any an-danitra ny feo …                    Oadray !                  Nidina ato an-dasapely ve ny Anjely ?              Angamba...           fa ny endrika feno fifantohana     hita teny amindry masera dia manambara ny maha-zava- dehibe ny ity zavatra atrehina ity!

           Taorian’ny famakiana ny Tenin’Andriamanitra, nandray fitenenana i Masera Emérentienne ho an’ny Fanirahana. Notolorany labozia mirehitra ny Lehibe Reziônaly vaovao, ny Fahazavan’ilay Nitsangan-ko velona tsy hanazava fotsiny ny lalan-kizorany, fa hampiasainy hanazavana sy hitondrana ny masera-ny.Manaraka izany, nomeny ny taratasy mirakitra ny Fanirahana izy sy ny mpanolon-tsaina tsirairay.

Tamin’izay noredonin’ny Masera rehetra ny tononkiran’i Maria ho fisaorana an’Andriamanitra noho io fiaingana vaovaon’ny fiainan’ny Reziô io.

    Taorian’ny vavaka sy ny fankalazana ny Fanirahana dia nitohy tany amin’ny trano fisakafoanana sy efitra ho an’ny Kôminôte ny fihaonana : sary, fifampizarana vaovao sy hafaliana … niaraka tamin’i Masera Emérentienne sy Masera Claudie… Tena nigoka hafaliana ny reziô Cameroun, fotoana tena nampisongadina ny fiombonana… mety ho nalainay ny fangatahan’i Piera hoe:
« Andao hanorina lay telo isika Tompo… » !
 

Masera Arlette TAMO