FANKALAZANA NY 27 DESAMBRA 2025 HO AN'IREO ANKOHONAM-PIAINANA ROA AO AMIN'NY DIOSEZIN'I IHOSY — Malagasy

Aller au contenu. | Aller à la navigation

Outils personnels

FANKALAZANA NY 27 DESAMBRA 2025 HO AN'IREO ANKOHONAM-PIAINANA ROA AO AMIN'NY DIOSEZIN'I IHOSY

FANKALAZANA NY 27 DESAMBRA 2025 HO AN'IREO ANKOHONAM-PIAINANA ROA AO AMIN'NY DI

Niaina fotoam-pifaliana lehibe ny Fikambanantsika tamin'ny fankalazana ny fetin'ny 27 desambra, ny tsingerin-taona faha 49.

Ireo rahavavy avy amin'ny ankohonam-piainana roa ao amin'ny diosezin'i Ihosy, Ampandratokana sy Santa Maria, dia nivory niaraka tamin'ireo mpiara-miombon’antoka aminy tamin'ny andro iray hivavahana, fizarana ary firahalahiana.

 

Ny sorona masina manetriketrika, notarihin'ny Eveka Razakarivony Fulgence tao amin'ny lasapely, Santa Maria no ivon'ity fankalazana ity. Tao anatin'ny toriteniny, ny Eveka  dia nandrisika ireo rahavavy mba hikolokolo firaisana lalina, araka ny endrik'i Kristy. Nampahatsiahy izy fa ny fahaterahan'i Jesosy sy ny fitsanganany tamin'ny maty dia tsy maintsy manazava ny fiainantsika andavanandro, mitarika azy ireo amin'ny asa nanirahana antsika amin'ny fanantenana sy ny tsy fivadiana. Tamin'ity fotoana ity, ny Eveka koa dia nirary  Jobily 2026 feno fahasoavana ho ireo rahavavy.

 

« Nampirisika ireo rahavavy mba hikolokolo firaisana lalina, araka ny endrik'i Kristy. »

 

 

Rahavavy Hanta, mpiandraikitra ny ankohonam-piainana Santa Maria, dia naneho ny fankasitrahany lalina ny Eveka, ny pretra ary ireo mpiara-miasa rehetra nanatrika. Niarahaba ny fikambanana manontolo izy noho io fety mahafinaritra io, ary nanantitrantitra ny fifaliana niarahan'ny rehetra.

Taorian'ny lamesa, nisy sakafo maivana mahafinaritra nampivondrona ireo mpandray anjara, narahin'ny dihy nentim-paharazana izay naneho fifaliana.  Nanatanjaka ny fifamatorana teo amin'ireo masera sy ireo mpiara – miombon’antoka tamin'izy ireo io fanasana io, ka nanaporofo ny fahavitrihan'ny fikambanana teo amin'ny lafiny ara - panahy. Ity fankalazana ity dia mety ho fanavaozana ho an'ny masran'i Kristy rehetra, amin'ny fanarahana an'i Kristy nitsangana tamin'ny maty.

« ITY FETY ITY DIA NANAMAFY NY FIFAMATORANA TEO AMIN'IREO RAHAVAVY SY IREO MPIARA-MIOMBON’ANTOKA, POROFON'NY FAHAVITRIHANA ARA-PANAHIN'NY FIANGONANA. »

Rahavavy Faria Nordine