Fankalazana ny fahadimampolo taonan'ny maseran'i Kristy

Tany Kamerona, tamin'ny 6 Aogositra 2025, nankalaza tamim-pahavitrihana sy fifaliana ny fanokafana ny fahadimampolo taona izahay.

Ity andro tsy hay hadinoina ity dia nanomboka tamin'ny lanonana fandrehetana labozia mampihetsi-po teo amin'ny fidirana amin'ny fankalazana ny Eokaristia, mariky ny fahazavana sy ny fanantenana. Nandray anjara tamin'ity diabe mamirapiratra ity ny masera tsirairay, nanazava ny lalana mankany amin'ny alitara izay nanaovana ny fankalazana.

Nitohy tamin'ny dihy mahafinaritra sy mirindra ny diabe, ary samy nandray ny toerany tamim-pifaliana sy hafanam-po ny tsirairay. Ny Lamesa, notarihin'ny ray am-panahy Joseph Alpha nampian'ny Diakona Raymond, dia nisongadina tamin'ny fankalazana, izay nanehoan'ny hira sy ny vavaka ny firaisankinay sy ny fanoloran-tenanay hiara-hiaina.

Nandritra ny Lamesa, dia nanana fifaliana izahay tamin'ny fankalazana fotoana manokana: ny fanavaozana ny tsy fivadihan'i masera Florentine, izay nankalaza ny faha dimy amby roapolo taona niainany maha relijiozy. Io fotoana io dia porofon'ny fitiavany sy ny fanoloran-tenany ho an'Andriamanitra sy ny fikambanantsika.

Voninahitra ho anay ihany koa ny fanatrehan'ny mpiara - miombon’antoka iray, andriamatoa HAPPY Thierry, teo anivonay izay nizara ny fifaliana sy ny fankalazanay. Ny fanatrehany dia mariky ny firaisankina sy ny fiombonana izay misy eo anivontsika.

Taorian'ny lamesa, dia nizara sakafom-pety izahay, fotoana iray fifampizanana sy fifaliana. Nanokatra ny takariva tamin'ny hira noforonin'izy ireo ho an'ny tsingerintaona faha-dimampolo ireo rahavavy ao amin'ny ankohonam-piainana ao Tiko, narahin'ireo masera tanora izay nanolotra dihy nentim-paharazana sy ara- kolontsaina.

Nisaotra ireo fitahiana noraisina izahay ary naneho ny fankasitrahanay noho ny fanatrehan'Andriamanitra teo amin'ny fiainanay.

Ity andro fankalazana ity dia fotoana fifaliana sy fankasitrahana lehibe noho ny asa fanompoana sy fanoloran-tena nandritra ny taona maro nataon'ny fikambanana ato amin'ny Fiangonana sy manerana izao tontolo izao. Nisaotra ireo fitahiana noraisina izahay ary naneho ny fankasitrahanay noho ny fanatrehan'Andriamanitra teo amin'ny fiainanay.