Fivahinianana masina tany Mbouda - Kamerona

Amin'ny maha mpiara-dia amin'ny masera Anabavin'i Kristy anay dia misaotra ny Tompo izahay noho ny fivahinianana masina tamin'ny 4 Aogositra 2026, izay  nokarakaraina ho anisany ho fanamarihana ny Jobily Volamen'ny Fikambanatsika. 

Io andron’ny vavaka io, izay niainana tao anatin'ny toe-tsaina lalina amin'ny fiombonana ara-pirahalahiana, dia nahafahanay nifandray indray tamin'ny tantaran'ny Fikambanana tao Kamerona ary ambonin'izany rehetra izany ny fanavaozana ny finoanay sy ny fanoloran-tenanay hanaraka an'i Kristy.

Ny fanaovana sapile nandritra ny dia, ny tafatafa, ny lalan'ny hazofijaliana, ny kofesy, ny fankalazana ny Eokaristia, ny fiainana ny fahanginana tao amin'ny toerana fivahinianana masina tao Mbouda, izay nisy ny iray tamin'ireo ankohonam-piainana voalohany ny rahavavy tao Kamerona ary ny hira izay natao tamin'ny fiverenanay dia nahatonga ity fihaonana ity ho fotoana tena feno fahasoavana.

Enga anie ny Tompo hanohy hitahy ny Fikambanan'ny masera Anabavin'i Kristy sy ny mpiara-dia aminy rehetra, mba hahafahantsika miara-manohy ny iraka ataontsika amin'ny :

fifampizarana, ny fampihavanana ary ny fiombonana ao amin'i Jesosy Kristy.

Avy amin'i HAPPY Thierry, Mpiara-dia amin'ny masera Anabavin'i Kristy, Kamerona

(nadika avy amin'ny teny frantsay)